20 okt 12:13sosial

V könüllülük proqramına sənəd qəbulu başa çatıb

V könüllülük proqramına sənəd qəbulu başa çatıb


Newscenter.az.20.10.2017. Bakı Şəhəri üzrə Təhsil İdarəsi tərəfindən V könüllülük proqramına aparılan sənəd qəbulu başa çatıb.
Qeyd edək ki, V könüllülük proqramında iştirak etmək üçün 100 nəfər könüllü elektron (konullu@baku.edu.gov.az) qaydada sənəd verib. Newscenter.az-ın xəbərinə görə, onlardan müvafiq meyarlar üzrə uyğun gələn namizədlər müsahibəyə dəvət olunacaqlar.

Müsahibədən uğurla keçən şəxslər noyabr ayından etibarən BŞTİ-nin müxtəlif sektorlarında, xidmət bölmələrində və Təlimə Dəstək Mərkəzində 3 ay təcrübə keçmək imkanı qazanacaqlar.
Könüllü kimi fəaliyyətini uğurla başa vuran gənclərin hər birinə BŞTİ tərəfindən müvafiq arayış veriləcək.
Qeyd edək ki, Bakı Şəhəri üzrə Təhsil İdarəsi artıq 4 ildir ki, könüllü əsaslarla çalışmaq arzusunda olan gənclərlə əməkdaşlıq edir. İndiyədək BŞTİ tərəfindən həyata keçirilmiş ilk könüllülük proqramında 15, ikinci proqram əsasında 26, üçüncü könüllülük proqramında 35, dördüncü könüllülük proqramında isə 42 nəfər müxtəlif sektorlarda və xidmət bölmələrində fəaliyyət göstəriblər. Onlardan 17 nəfəri hazırda BŞTİ-nin əməkdaşı kimi çalışır.
R.Mehdiyeva
XƏBƏR LENTİ
Qoyun oğruları saxlanılıb
17-11-2017, 16:58

Qoyun oğruları saxlanılıb