20 okt 16:20iqtisadiyyat

Vergilər Nazirliyinin Apellyasiya Şurasına 67 müraciət daxil olub

Vergilər Nazirliyinin Apellyasiya Şurasına 67 müraciət daxil olub


Newscenter.az.20.10.2017.
2017-ci ilin 9 ayı ərzində Vergilər Nazirliyinin Apellyasiya Şurasının icraatında 67 müraciət olub. Bu müraciətlərin 10-u əvvəlki ildən qalıq qalıb, 57 müraciət isə cari ildə daxil olub. Bu barədə məlumat Newscenter.az-a Vergilər Nazirliyinin Media və Kommunikasiya Mərkəzindən daxil olub.

Bildirilib ki, icraata götürülmüş müraciətlərdən 16-sı səyyar vergi yoxlamaları, 26-sı kameral vergi yoxlamaları, 7-si operativ vergi nəzarəti, 2-si eyni zamanda həm kameral, həm də səyyar vergi yoxlamaları, 2 müraciət ümidsiz borc məbləğinin silinməsi, 2 müraciət vergitutma metodunun dəyişdirilməsi, 2 müraciət inzibati şikayətin verilməsi üçün buraxılmış müddətin bərpa edilməsi, 2 müraciət bank hesablarına qoyulmuş sərəncamların qanunsuz hesab edilməsi, 1 müraciət isə artıq ödəmənin qaytarılması barədə olub.

11 müraciətin tam, 2 müraciətin isə qismən təmin olunması barədə müvafiq qərarlar qəbul edilib. 2 vergi ödəyicisində inzibati icraat zamanı aşkar olunan halların araşdırılması məqsədilə növbədənkənar səyyar vergi yoxlaması təyin edilib. 5 müraciət “İnzibati icraat haqqında” Qanunun 80.1.1-ci maddəsinə əsasən təmin edilməyib.

Bir sıra müraciətlər üzrə vergi ödəyicilərinin şikayətlərinin predmeti ilə bağlı cinayət işinin istintaqının davam etməsi, digərlərinin eyni predmet üzrə iddia ərizələrinə məhkəmə qaydasında baxıldığı üçün onların icraatına xitam verilib. Bir qrup müraciətlər isə geri götürüldüyü, Şuranın eyni məzmunlu müraciətlər üzrə müvafiq qərarları olduğu və müraciət predmetinin aradan qalxdığı üçün baxılmadan saxlanılıb.
XƏBƏR LENTİ
Qoyun oğruları saxlanılıb
17-11-2017, 16:58

Qoyun oğruları saxlanılıb