Birləşmiş Ştatlar, avropalı siyasətçilərin etirazlarına baxmayaraq, Ukraynadakı münaqişənin sülh yolu ilə həllinə nail olmaq üçün Krımı və Rusiya qüvvələri tərəfindən işğal edilmiş əraziləri Rusiya ərazisi kimi tanıya bilər.

Newscenter.az TASS-a istinadən bildirir ki, bu barədə “The Daily Telegraph” yazıb.

"Getdikcə aydın olur ki, amerikalılar Avropanın mövqeyinə əhəmiyyət vermir. Onlar deyirlər ki, avropalılar istədiklərini edə bilərlər", - deyə "The Daily Telegraph" qeyd edir.

Nəşrin yazdığına görə, ABŞ rəsmiləri Vaşinqtonun Ukraynaya dair sülh planında qeyd olunan və məzmunu mediaya sızan ilkin strategiyadan əl çəkməyib. Buna əsasən, ABŞ və digər ölkələr Rusiyanın Krım, Donbas və Ukraynanın verməyə məcbur olacağı digər ərazilər üzərindəki suverenliyini tanımalı olacaq. Bunun müqabilində Kiyev Amerika və Avropa təhlükəsizlik zəmanətləri alacaq. Ukrayna qoşunlarının çıxarıldığı ərazilərdə demilitarizasiya zonası yaradılacaq.


Cavid