Newscenter.az.26.10.2021. Oktyabrın 26-da Rayon İcra Hakimiyyətinin və Azərbaycan Respublikası Dini Qurumlarla İş üzrə Dövlət Komitəsinin Şamaxı bölgəsi üzrə şöbəsinin birgə təşkilatçılığı ilə İsmayıllı Dövlət Humanitar və Texnologiya Kollecində “Vətənpərvərlik nümunəsi: qazilik və şəhidlik” mövzusunda tədbir keçirilib.

Newscenter.az xəbər verir ki, tədbirdə RİH-in başçısı aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı, DQİDK-nın Şamaxı bölgəsi üzrə şöbəsinin əməkdaşı, İsmayıllı Dövlət Humanitar və Texnologiya Kollecinin direktoru, Ailə, Qadın və Uşaq Problemləri üzrə Dövlət Komitəsinin nəzdində fəaliyyət göstərən İsmayıllı Uşaq və Ailələrə Dəstək Mərkəzinin direktoru, şəhid ailələrinin üzvləri, qazilər və kollecin tələbələri iştirak ediblər.

Tədbir Vətənimizin bütövlüyü və azadlığı uğrunda canlarını fəda etmiş şəhidlərimizin əziz xatirəsini bir dəqiqəlik sükutla yad edilməsi ilə başlanılıb.

Çıxışçılar belə tədbirlərin gənclərimizə Vətənə sevgi hisslərinin aşılanması, onlar arasında milli vətənpərvərlik ruhunun təbliğ olunması baxımından əhəmiyyətli rola malik olduğu qeyd ediblər. Bildirilib ki, dövlətimiz tərəfindən şəhid ailələrinə və qazilərə daima xüsusi diqqət göstərilir.

Daha sonra şəhid ailələrinin üzvləri vətən sevgisi, şəhid və qazilərimizin nümunəvi həyat və döyüş yolu, qələbə şüarımız olan Vətən Müharibəsinin dövlət və dövlətçilik tariximizdəki mühüm yerindən danışaraq, gənclərimizin həyat yolunda şəhid və qazilərimizi hər zaman nümunə götürməli olduqlarını vurğulayıblar.

Görüşdə İsmayıllı Dövlət Humanitar və Texnologiya Kollecinin tələbələri vətənpərvərlik mövzusunda şeirlər səsləndiriblər.
Sonda tədbir iştirakçıları kollecin şəhid tələbələrinin xatirəsinə yaradılmış guşə ilə tanış olublar.

Ruhiyyə