Newscenter.az.29.10.2021. Niderland krallığının Haaqa şəhərində ərəblər ilə azərbaycanlılar arasında dava baş verib.

"Report"un Avropa bürosunun məlumatına görə, hadisəyə səbəb Amil adlı pizza sifarişini yerinə yetirən azərbaycanlı gəncə Suriyadan olan sifarişçi Haşim adlı şəxsin evinin qarşısında onu təhqir etməsi olub.

Azərbaycanlının reaksiyasından sonra suriyalının yaxını ilə birgə onu döymələri bir müddət sonra digər azərbaycanlıların da insidentə qarışmasına səbəb olub.

Nəticədə əlbəyaxa dava düşüb. Ətrafdakıların müdaxiləsi ilə insident sakitləşdirilib.