Newscenter.az.1.11.2021. 8 Noyabr qələbə bayramı münasibəti ilə Niderland Krallığının Rotterdam şəhərində, Benilüks Azərbaycanlıları Konqresinin təşkilatcılıgı ilə bayram tədbiri keçirilib.

Newscenter.az-a Konqresdən bildirilib ki, tədbirdə Azərbaycan Respublikasının Niderland Krallığındaki səfiri Fikrət Axundov və səfirliyin digər əməkdaşları iştirak edib. Eləcə də, BAK la çiyin çiyinə çalışan digər icma və qurumların üzvləri tədbirdə qonaq olublar. Tədbirdə türk icmalarının üzvləri ilə yanaşı başqa xalqların numayəndələri də iştirak edib. Tədbir Şəhidlərimizin bir dəqiqəlik sükutla yad edilməsi və Azərbaycan Dövlət Himninin səsləndirməsi ilə başlayıb. Sonra Bakı Media Qrupunun hazırladığı “BİZ” filmi nümayiş olunub.

Daha sonra, tədbiri giriş sözü ilə BAK ın sədri Elsevər Məmmədov açıb. Sonra söz Azərbaycan Respublikasının bu ölkədəki fövqəladə və səlahiyyətli səfiri cənab Fikrət Axundova verilib. Çıxışlardan sonra BAK-ın hazırladığı Fəxri Fərmanlar təltif olunanlara təqdim edilib.

Rəsmi hissədən sonra musiqi proqramı başlayıb və bir-birindən maraqlı qəhrəmanlıq mahnıları ifa edilib.

NEWSCENTER.AZ