Newscenter.az.3.11.2021. Azərbaycan Diasporuna Dəstək Fondunun dəstəyi və Antalya Azərbaycan Kültür və Dayanışma Dərnəyinin təşkilatçılığı ilə Antalyanın Konyaaltı rayonunda, bələdiyyənin sərgi salonunda Nizami Gəncəvinin əsərlərinin əl işləmələrindən ibarət sərgisinin açılışı olub.

Newscenter.az-a Antalya Azərbaycan Kültür və Dayanışma Dərnəyindən bildirilib ki, səginin açılışında, Konyaaltı rayon icra hakimi, bələdiyyə sədri, təhsil idarəsi müdürü, Antalya Təhsil İdarəsinin nümayəndəsi, Konyaaltı Xalq Təhsil Mərkəzinin əməkdaşları, Sosial Yardımlaşma və Dayanışma Fondunun sədri, Antalya rayon Kənd Təsərrüfatı müüdürü, Türkiyə qeyri hökumət təşkilatlarının sədrləri, xarici diaspora təşkilatlarının sədrləri və nümayəndələri, Antalya sakinləri və xarici turistlər də iştirak etdilər.

Antalya Azərbaycan Kültür və Dayanışma Dərnəyinin sədri Ceyran Səttarova, iştirakçılara Nizami Gəncəvinin həyatı və yaradıcılığı barədə məlumat verib. Sərgi açılışına dəvət olunan qonaqlara Nizami Gəncəvinin rəsmi və sözləri həkk olunmuş lövhələr və müdrük kəlamlar yazılmış hədiyyəlik namələr təqdim edildi.

Sərgiyə gələnlərə də, Nizami Gəncəvinin misraları yazılmış xatirə məktubları paylanıb. Sərgidə Müslüm Maqomayevin ifasında Üzeyir Hacıbəyovun Nizami Gəncəvinin şerlərinə yazdığı əsərləri və Nizami Gəncəvinin qəzəlləri səsləndirilib.

Sərginin açılışına dəvət olunan Bursa Azərbaycan Diaspora təşkilatının sədri Hüseyn Vəliyev tarda milli musiqilərimizi ifa edib. Sərgilənən əl işlərindən ibarət əsərlər qonaqların böyük marağına səbəb odub. Açılışa gələn qonaqlara milli şiriniyyatlar, şərbət və çay ikram edilib.

Qeyd edək ki, Nizami Gəncəvi 880 İl sərgisi, sırasıyla Antalya Bilim kollecində, Muratpaşa Bələdiyyəsində və Akdəniz Unversitetində noyabr ayının sonunadək sərgilənəcək.

NEWSCENTER.AZ