Newscenter.az.10.11.2021. Tarixdə az-az şəxsiyyətlər, dövlət idarəçiləri, liderləri olur ki, onun ölümündən sonra da xalq daim həmin tarixi şəxsiyyəti anır, ona yüksək ehtiram nümayiş etdirir. Necə ki, Azərbaycan xalqı Məmməd Əmin Rəsulzadə, Heydər Əliyevi uzun illər keçməsinə baxmayaraq unutmur, onları yüksək ehtiramla yad edir, eləcə də qardaş Türkiyəmizin onun qurucusu Qazi Mustafa Kamal Atatürkə olan sevgi və ehtiramı bitmir, onun adını daim uca tutur. Bu gün Türkiyə Cümhuriyyətinin qurucusu Qazi Mustafa Kamal Atatürkün vəfatından 83 il keçir.

Mustafa Kamal Atatürk 1881-ci ildə Selanikdə anadan olub.

Birinci Dünya Müharibəsi əsnasında osmanlı ordusunda xidmət edən Atatürk Çanaqqala cəbhəsinde polkovnikliyə, Sina-Fələstin cəbhəsinde isə İldırım Orduları generallığına təyin edilir. O, Qurtuluş döyüşü müddətində Ankara Hökumətini qurur, hərbi səriştəsi ilə Antanta dövlətləri tərəfindən göndərilən hərbi gücləri məğlubiyyətə uğradır və türk millətini zəfərə aparır. Atatürk daha sonra köhnə Osmanlı İmperiyasını müasir və sekulyar bir millət dövlətinə çevirmək üçün siyasi, iqtisadi, ictimai və mədəni islahatlar başladır. Liderliyi altında minlərlə yeni məktəb inşa edilir

Türk orduları baş komandiri olaraq Sakarya meydan müharibəsindəki müvəffəqiyyətinə görə 19 sentyabr 1921-ci il tarixində "Qazi" adını alır və marşallığa yüksəlir. 1938-ci ildəki vəfatına qədər ard-arda 4 dəfə prezident seçilən Atatürk, bu vəzifəni ən uzun müddət icra edən prezident olur.


Newscenter.az