Newscenter.az.6.01.2022. 2021-ci ilin 4-cü rübü ərzində Energetika Nazirliyi tərəfindən “İxrac nəzarətinə düşən mallar (işlər, xidmətlər, əqli fəaliyyətin nəticələri) üzrə xüsusi icazənin verilməsi” Qaydalarına uyğun olaraq, ixrac nəzarətinə düşən malların idxalı, ixracı və tranziti üzrə 43 icazə verilib.

Newscenter.az-a Energetika Nazirliyindən bildirilib ki, bunlardan 42-si ixrac nəzarətinə düşən malların idxalı, 1-i ixrac nəzarətinə düşən malların tranziti ilə bağlı olub. Hesabat dövründə icazələrin verilməsi 5 saylı Bakı “ASAN xidmət” mərkəzi vasitəsilə həyata keçirilib.

Ümumilikdə 2021-ci il ərzində Energetika Nazirliyi tərəfindən ixrac nəzarətinə düşən malların idxalı, ixracı və tranziti üzrə 221 icazə verilib. Bu icazələrdən 209-u ixrac nəzarətinə düşən malların idxalı, 3-ü ixracı, 9-u isə tranziti ilə bağlı olub.

Ötən dövr ərzində 203 icazənin verilməsi 5 saylı Bakı "ASAN xidmət" mərkəzi vasitəsilə həyata keçirilib.

Sevinc