Newscenter.az.7.01.2022. Yanğın hadisəsi baş vermiş Bakı şəhərindəki Aslan Muradov adına 84 nömrəli tam orta məktəbdə dərslər distant qaydada davam edir.

Newscenter.az xəbər verir ki, bu barədə məlumatı Bakı Şəhəri üzrə Təhsil İdarəsi yayıb.

Məlumatda bildirilib ki, yanvarın 7-də səhər saatlarında Bakı şəhərindəki Aslan Muradov adına 84 nömrəli tam orta məktəbdə yanğın baş verib.
Yanğın məktəbin ikinci mərtbəsində baş verib. Məktəbin müəllim və şagird heyəti təxliyə olunub.

Dövlət Yanğından Mühafizə Xidmətinin yanğından mühafizə bölmələri tərəfindən yanğın qısa müddət ərzində söndürülüb. Yanğın zamanı xəsarət alan olmayıb.

R.Mehdiyeva