Newscenter.az.20.01.2022. "Rusiya ilə Ukrayna arasında gərginliyin artmasından narahatıq. Tərələr arasında gərgiliyin aradan qaldırılması üçün diplomatik səylərimizi davam etdiririk"

Newscenter.az xəbər verir ki, bu fikirləri Türkiyə prezidenti Rəcəb Tayyib Ərdoğan salvadorlu həmkarı Nayib Bukele ilə keçirdiyi mətbuat konfransında səsləndirib. Ərdoğan bildirib ki, bu məqsədlə Rusiya prezidenti Vladimir Putinlə Ukrayna dövlət başçısı Volodimir Zelenskinin görüşünün keçirilməsi təşəbbüsünü də irəli sürüblər:

"Biz cənab Putinlə Ukrayna prezidenti Zelinskinin üz-üzə görüşməsini istəyirik. Bizim məqsədimiz bölgədə sülhə və sabitliyə nail olmaqdır".

Ərdoğan bildirib ki, fevral ayının əvvəlində Ukraynaya baş tutacaq səfəri çərçivəsində Zelinski ilə Putinin görüşünün keçirilməsi məsələsinə də toxunula bilər:

"Eyni zamanda Rusiya prezidenti Vladimir Putinlə də nu istiqamətdə təmaslarımız davam edəcək".

Mehman