Newscenter.az.2.02.2022. “Cənab Prezident İlham Əliyevin ərazisinə və əhalisinə görə Azərbaycanın ikinci ən böyük şəhəri olan Gəncəyə səfər etməsi, ölkə başçısının regionların inkişafına göstərdiyi böyük diqqət və qayğının göstəricisidir”.

Newscenter.az xəbər verir ki, bunu Milli Məclisin deputatı Sədaqət Vəliyeva deyib

Sədaqət Vəliyeva bildirib ki, ümumilikdə Cənab Prezident İlham Əliyev Gəncə şəhərinə 18 dəfə səfər edib. Hər səfəri zamanı ölkə başçısı tərəfindən Gəncənin inkişafı, böyük infrastruktur layihələrinin həyata keçirilməsi ilə bağlı müvafiq tapşırıqlar verilib:

“Bunun da nəticəsidir ki, Gəncə şəhərində mühüm infrastruktur layihələri reallaşdırılıb, şəhər elektrik enerjisi ilə tam təchiz olunub, su təminatı ilə bağlı iri miqyaslı işlər görülür, Gəncə-Bakı dəmir yolu xətdi tam modernləşdirilib, səhiyyə, təhsil sahəsində bütün sosial infrastruktur təmamilə yenilənib. Prezident İlham Əliyev, Gəncəyə budəfəki səfəri zamanı 2 saylı Gəncə regional “ASAN xidmət” Mərkəzinin açılışını etdi, inşa olunacaq Memorial Kompleksin təməlini qoydu, səfər çərçivəsində Gəncədə “Azərbaycan Dəmir Yolları” QSC-nin lokomotiv deposu istismara verildi”.

Gəncəyə səfəri çərçivəsində ölkə başçısı İlham Əliyev hər zaman olduğu kimi beynəlxalq ictimaiyyətə və lazımi ünvanlara mühüm mesajlar verdi. Erməni faşizmi təhlükəsinin hələ də qaldığını bildirən Cənab Prezident İlham Əliyev, bu faşizminin regionda sülhə təhdid olduğunu diqqətə çatdıraraq, erməni faşizminin bir daha dirçəlməməsi üçün digər dövlətlərin də səfərbər olmasının vacibliyini vurğuladı – deyən Sədaqət Vəliyeva əlavə edib ki, eyni zamanda ölkə başçısı Azərbaycan cəmiyyətinə çağırış edərək bir olmağa səslədi və bölgədə yenə də erməni təhlükəsinin yaranacağı təqdirdə Azərbaycanın qüdrətli bir ölkə kimi həmin təhlükəni məhv edəcəyini bəyan elədi:

“Cənab Prezident İlham Əliyevin diqqət və qayğısının, düzgün, məqsədyönlü siyasətinin nəticəsidir ki, Gəncə şəhəri günü-gündən daha da inkişaf edən, çiçəklənən bir şəhərə çevrilib”.

Ruhiyyə