Newscenter.az.18.02.2022. İmişli rayonunda bədbəxt hadisə baş verib.

"Report"un Muğan bürosunun məlumatına görə, hadisə rayonun Cəfərli kəndində qeydə alınıb.

Belə ki, 1984-cü il təvəllüdlü Xələfov Maqsud İlham oğlu beton hasarın uçması nəticəsində uçqun altında qalaraq ölüb.

Onun meyiti xilasedicilər tərəfindən çıxarılaraq aidiyyəti üzrə təhvil verilib.

Hadisənin necə baş verməsi hələlik məlum deyil.

Faktla bağlı araşdırma aparılır.