Newscenter.az.27.02.2022. Bəyannaməni Moskvada olan Azərbaycan Prezidenti İlham Əliyev və Rusiya Prezidenti Vladimir Putin imzalayıblar.
Azərbaycan Rəyasət Heyətinin saytında iki ölkə arasında münasibətlərin müttəfiqlik səviyyəsinə qaldırılmasını nəzərdə tutan 43 bənddən ibarət bəyannamədə Rusiya ilə Azərbaycan arasında siyasi, hərbi, iqtisadi, ticarət və mədəni əlaqələrin inkişafı ilə bağlı məsələlər yer alıb.
Bəyannaməyə əsasən, Rusiya və Azərbaycan münasibətlərini qarşılıqlı müttəfiqlik fəaliyyəti, iki ölkənin müstəqilliyi, sərhədlərinin toxunulmazlığına qarşılıqlı hörmət, habelə bir-birinin daxili işlərinə qarışmamaq prinsiplərinə əməl etmək əsasında qurur. Rusiya və Azərbaycanın öz milli maraqlarına uyğun müstəqil xarici siyasət yürütdüyü xatırladan bəyannamədə iki ölkənin həm qlobal, həm də regional miqyasda sülhün möhkəmləndirilməsi, sabitliyin və təhlükəsizliyin artırılması istiqamətində əməkdaşlıq etdiyi bildirilib.
Rusiya və Azərbaycan tərəflərinin fikrincə, iki ölkə arasında strateji tərəfdaşlıq və müttəfiqlik münasibətlərinə xələl gətirə biləcək istənilən hərəkətdən çəkinməlidir. Bəyannaməyə əsasən, Rusiya və Azərbaycan öz ərazilərində suverenliyi, müstəqilliyi və ərazi bütövlüyünə qarşı fəaliyyətin qarşısını qətiyyətlə alacaqlar.
Milli maraqlara cavab verən və üçüncü ölkələrə qarşı yönəlməyən ikitərəfli hərbi-siyasi əməkdaşlığın inkişaf etdirilməsini nəzərdə tutan bəyannaməyə əsasən, Rusiya və Azərbaycan hərbi əməkdaşlığı inkişaf etdirəcək. Tərəflər silah və hərbi texnikanın texniki xidməti, təmiri və modernləşdirilməsi üzrə xidmət mərkəzlərinin yaradılması, eləcə də müxtəlif hərbi təyinatlı məhsulların birgə istehsalının təşkili üzrə səylərini gücləndirəcəklər.
Bəyannaməyə əsasən, Rusiya və Azərbaycan BMT Nizamnaməsi, müxtəlif beynəlxalq müqavilələr və tərəflərin hər birinin beynəlxalq hüquqi öhdəlikləri nəzərə alınmaqla təhlükəsizliyin təmin edilməsi, sülhün və sabitliyin qorunması məqsədilə bir-birinə hərbi yardım göstərilməsi məsələsini nəzərdən keçirə bilər.
Üçüncü ölkələr də daxil olmaqla, bir-birinə qarşı hər hansı hərəkətdən çəkinməyə sadiq olan
Rusiya və Azərbaycan beynəlxalq terrorizm, ekstremizm və separatizm, transmilli mütəşəkkil cinayətkarlıq, silah, narkotik və insan alveri, kibercinayətkarlıq, habelə yeni təhlükəsizlik təhdidləri və onları zərərsizləşdirmək üçün səylərini birləşdirəcək.
Bəyannaməyə əsasən, Rusiya və Azərbaycan qarşılıqlı faydalı ticarət-iqtisadi, investisiya, elmi-texniki əməkdaşlığı dərinləşdirmək, istehsal və elmi əməkdaşlığı artırmaq, bütün növ mülkiyyətə malik təsərrüfat subyektləri arasında birbaşa əlaqələri keyfiyyətcə yeni səviyyəyə qaldırmaq məqsədi daşıyır.
Tərəflər öz milli qanunvericilikləri çərçivəsində metallurgiya, neft, qaz və ağır maşınqayırma sənayesi, aviasiya, avtomobil, kimya, əczaçılıq və yüngül sənaye, kənd təsərrüfatı, yol tikintisi və qida maşınqayırma müəssisələri arasında iqtisadi əlaqələri daha da inkişaf etdirəcəklər.
Bəyannaməyə əsasən, Rusiya və Azərbaycan BMT Nizamnaməsi, müxtəlif beynəlxalq müqavilələr və tərəflərin hər birinin beynəlxalq hüquqi öhdəlikləri nəzərə alınmaqla təhlükəsizliyin təmin edilməsi, sülhün və sabitliyin qorunması məqsədilə bir-birinə hərbi yardım göstərilməsi məsələsini nəzərdən keçirə bilər.
Üçüncü ölkələr də daxil olmaqla, bir-birinə qarşı hər hansı hərəkətdən çəkinməyə sadiq olan Rusiya və Azərbaycan beynəlxalq terrorizm, ekstremizm və separatizm, transmilli mütəşəkkil cinayətkarlıq, silah, narkotik və insan alveri, kibercinayətkarlıq, habelə yeni təhlükəsizlik təhdidləri və onları zərərsizləşdirmək üçün səylərini birləşdirəcək.
Bəyannaməyə əsasən, Rusiya və Azərbaycan qarşılıqlı faydalı ticarət-iqtisadi, investisiya, elmi-texniki əməkdaşlığı dərinləşdirmək, istehsal və elmi əməkdaşlığı artırmaq, bütün növ mülkiyyətə malik təsərrüfat subyektləri arasında birbaşa əlaqələri keyfiyyətcə yeni səviyyəyə qaldırmaq məqsədi daşıyır.
Rusiya və Azərbaycan qarşılıqlı ödənişlərdə milli valyutalardan istifadəyə, ödəniş sistemlərinin uyğunluğuna, o cümlədən bank kartlarına birgə xidmət göstərməyə, iki ölkənin bankları arasında birbaşa əlaqələrin inkişafına imkan yaradacaq.
Tərəflər öz ərazilərindən keçən beynəlxalq nəqliyyat dəhlizlərinin təhlükəsizliyinin və fasiləsiz fəaliyyətinin təmin edilməsi istiqamətində bir-birinin səylərini dəstəkləyəcək, milli qanunvericilik və ikitərəfli sazişlər çərçivəsində bir-birinin tranzit keçidi üçün əlverişli şərait yaradacaq.
Rusiya və Azərbaycan nüvə enerjisindən dinc məqsədlərlə istifadə sahəsində qarşılıqlı faydalı əməkdaşlığın inkişaf etdirilməsi imkanlarını nəzərdən keçirəcəklər.
Xəzər Rayon Gənclər və İdman İdarəsinin baş məsləhətçisi Dilşad Nuriyeva
