Newscenter.az.5.03.2022. Kürdəmir Regional Asan Xidmət Mərkəzində “8 Mart - Beynəlxalq Qadınlar Günü” münasibətilə bayram tədbiri keçirilib.

Newscenter.az xəbər verir ki, tədbirdə Kürdəmir rayon İcra Hakimiyyətinin Başçısı Elxan İbrahimov, Milli Məclisin deputatı Əminə Ağazadə, YAP Kürdəmir rayon təşkilatının sədri Ayaz Cəbrayılov, şəhid ailələri , eləcə də rayonun ictimai-siyasi həyatında fəallıq göstərmiş qadınlar iştirak ediblər.

Bayram mərasimində çıxış edən rayon Icra Hakimiyyətinin Başçısı Elxan İbrahimov bu əlamətdar gün münasibəti ilə tədbirə toplaşan qadınları və onların simasında rayonun bütün qadınlarını, analarını təbrik etdi, onlara xoşbəxtlik və səadət arzuladı.

Milli Məclisin deputat Əminə Ağazadə çıxış edərək bildirib ki, bu gün həm də torpaqlarımızın müdafiəsi zamanı şəhid olmuş qadınlarımızın, bütün şəhid anaları və xanımlarının, döyüşlərdə sağlamlığını itirən hərbi qulluqçuların ömür-gün yoldaşlarının, vətənimiz üçün layiqli övladlar böyüdən əsgər analarının bayramıdır:

"Bu gün biz şəhidlərimizə, qazilərimizə nə qədər borcluyuqsa, bir o qədər də onları əsl qəhrəman kimi böyüdən analara borcluyuq".

Çıxış edənlər Azərbaycan qadınının tarix boyu müdrikliyi, işgüzarlığı və saflığı ilə parlaq səhifələr yazdıqlarından bəhs etdilər.

Mərasim iştirakçıları ölkəmizdə qadınlara, analara göstərdikləri yüksək diqqət və qayğılara görə Respublika Prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya minnətdarlıqlarını bildiriblər.