Newscenter.az.6.03.2022. Yeni Azərbaycan Partiyası Kəlbəcər Rayon Təşkilatının sədri Həbib Misirov 8 Mart Qadınlar bayramı münasibəti ilə Gəncə şəhəri Gülüstan qəsəbəsində Şəhid Heydərov Qismət İsmayıl oğlunun anası Gülandam ananı ziyarət edərək, 8 Mart Qadınlar bayramı münasibəti ilə təbrik edib.

Newscenter.az xəbər verir ki, Həbib Misirov möhtərəm prezidentimiz cənab İlham Əliyevin və Birinci vitse prezident Mehriban xanım Əliyevanın şəhid ailələrinə göstərdiyi diqqət və qayğı barədə ətraflı məlumat verib.

Şəhid anası onlara göstərilən diqqət və qayğıya görə dövlətimizin rəhbərliyinə öz dərin minnətdarlığını bildirib.

Qeyd edək ki, evin tək oğlu olan Heydərov Qismət İsmayıl oğlu 20 iyul 2002-ci ildə Goranboy rayonunun Erkəc kəndində anadan olub. Əslən Kəlbəcər rayonundandır.

Azərbaycan Ordusunun əsgəri olan Qismət İsmayılov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Füzulinin azad olunması uğrunda gedən döyüşlərdə böyük şücaət göstərib. 3 oktyabr 2020-ci ildə Füzuli istiqamətində döyüş tapşırığının yerinə yetirilməsi zamanı qəhrəmancasına şəhid olub. Subay idi. 04 oktyabr 2020-ci ildə Goranboy rayonunun Yolqulular kəndində dəfn edilib. Azərbaycan Respublikasının Prezidenti cənab İlham Əliyevin Sərəncamı ilə ölümündən sonra “ İgidliyə görə”, “Vətən uğrunda” və “Füzulinin azad olunmasına görə” medalları ilə təltif edilib.

Mehman