Newscenter.az.10.03.2022. Yeni Azərbaycan Partiyası Sabirabad rayon təşkilatı Sabirabad Regional Mədəniyyət İdarəsi ərazi partiya təşkilatında hesabat-seçki yığıncağı keçirilib.

Newscenter.az xəbər verir ki, əvvəlcə ulu öndər Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Sonra ərazi partiya təşkilatının hesabat dövrü ərzindəki fəaliyyəti barədə hesabat məruzələri dinlənilib. Məruzə ətrafında çıxış edənlər ərazi partiya təşkilatının hesabat dövrü ərzindəki fəaliyyətini qənaətbəxş qiymətləndiriblər.

Hesabat yığıncağında təşkilati məsələlərə də baxılıb, ərazi partiya təşkilatına sədr və sədr müavini seçilib.

YAP Sabirabad rayon təşkilatının sədri Varis Rüstəmov yeni seçilən sədr Fərid Qurbanzadəni və sədr müavini Telman Əzimovu təbrik edərək işlərində uğurlar arzulayıb.

Sonda Yeni Azərbaycan Partiyasının üzvlüyünə yeni qəbul edilmiş bir sıra mədəniyyət işçilərinə YAP üzvlük biletləri təqdim olunmuşdur.

Mehman