Çərşənbə, 1 dekabr 2021, 23:17:05  
Sizin Reklam Burada.

Vilayət Eyvazov Daxili Qoşunlarının Lənkəranda yerləşən hərbi hissəsində olub, sıra baxışı keçirib

Vilayət Eyvazov Daxili Qoşunlarının Lənkəranda yerləşən hərbi hissəsində olub, sıra baxışı keçirib


Newscenter.az.30.03.2022. Cənub bölgəsinə səfəri çərçivəsində daxili işlər naziri, general-polkovnik Vilayət Eyvazov DİN-in Daxili Qoşunlarının Lənkəranda yerləşən hərbi hissəsində də olub.

Newscenter.az nazirliyə istinadən xəbər verir ki, general-polkovnik V.Eyvazov hərbi qulluqçuların kazarma-məişət şəraiti, qidalanması, sağlamlıq durumu ilə maraqlanıb, silah təminatı, avtomobil və zirehli texnika parkı, ərazidə aparılan abadlıq, quruculuq işləri ilə yaxından tanış olub, həmçinin xüsusi-taktiki təlimləri izləyib. Polis əməkdaşlarının və hərbi qulluqçuların peşə və döyüş hazırlığını yüksək qiymətləndirən nazir öz tapşırıq və tövsiyələrini verib.
Daha sonra general-polkovnik V.Eyvazov Lənkəran Şəhər Rayon Polis Şöbəsində bölgə üzrə polis orqanlarında vakant olan sıravi və kiçik rəis heyəti vəzifələrinə xidmətə qəbulla bağlı sıra baxışı keçirib.

Sıra baxışında ətraf şəhər və rayonlarda yaşayan, polis orqanlarında xidmət etmək arzusunda olan gənclər iştirak edib.

Daxili işlər orqanlarında xidmətə qəbulun şərtlərinə uyğun gələn 46 nəfər seçim turunun növbəti mərhələsinə buraxılıb ki, onlardan da 10-u Vətən müharibəsi iştirakçısı, 6-sı isə şəhid ailələrinin üzvləri olublar.

Mehman
Xəbəri paylaş