Türkiyədə türk mətbəxi həftəsi keçirilir. Dünyanın aparıcı turizm mərkəzi 21-27 may tarixlərində sağlam, yaradıcı, tullantısız və davamlı xüsusiyyətlərə diqqət yetirən silsilə tədbirlərlə türk mətbəxini dünyaya tanıdır. Türkiyənin kulinariya irsini geniş auditoriyaya tanıtmağı hədəfləyən “Türk Mətbəx Həftəsi”ndə ölkənin qabaqcıl aşpazlarının təqdimatları və xüsusi olaraq tədbir üçün hazırlanan menyular qonaqları türk mətbəxinin bütün ləzzətlərini dadmağa dəvət edir.

Newscenter.az xəbər verir ki, bu il ilk dəfə 21-27 may tarixlərində keçirilən tədbirdə dünyaca məşhur, çoxəsrlik ləzzətli dadlar, onun kulinariya irsi üzə çıxır. Hər il keçirilən türk mətbəxi həftəsi türk mətbəxini bütün özünəməxsus keyfiyyətləri və xüsusiyyətləri ilə önə çıxarır.

Türk mətbəxində tərəvəzlərin əksəriyyəti zeytun yağı ilə bişirildiyi üçün zeytun yağı türk kulinariya ənənələrində mühüm rol oynayır, yeməyin qida dəyərini qoruyur.

Türk mətbəxini dünyaya tanıtmaq üçün Türkiyədə qastronomik turizm mərkəzinin kulinariya irsinə həsr olunmuş hərtərəfli onlayn bələdçi turkishcuisinweek.com fəaliyyətə başlayıb.

Kitab “Türk mətbəxi onlayn reseptləri” adı ilə ingilis, ispan və ərəb daxil olmaqla bir çox dillərə tərcümə olunacaq. Türk ləzzətləri dünyasına çıxışı təmin etmək üçün hazırlanmış onlayn bələdçi orijinal reseptlərdə, mükafatlı və ustalıqla hazırlanmış yemək bişirmə videoları, akademiklər və dietoloqlar tərəfindən məlumatlandırıcı məqalələr yer alır Türk və ingilis dillərində təqdim olunan turkishcuisineweek.com bu günə qədər geniş mədəniyyət və mətbəx kolleksiyasına malikdir və türk mətbəxi ilə bağlı hər şeyi geniş auditoriyaya təqdim edir.

21-27 may tarixlərində Türkiyənin dörd bir yanındakı səfirliklərində qeyd olunan Türk Mətbəxi Həftəsinin məqsədi gələcəyə iz qoyacaq yanaşma və reseptlər, keyfiyyətli materiallar, xüsusilə israfsız, davamlılıq, qlobal yemək tendensiyalarına uyğunluq yaratmaqdır. Türk Mətbəxi Həftəsi ilə məşhur xarici aşpazlar və jurnalistlər türk mətbəxinin tanıdılması üçün Türkiyəyə dəvət olunur.

Mehman