Qırğız Respublikasının rəqəmsal inkişaf nazirinin müavini Talant Kalıkovun başçılıq etdiyi nümayəndə heyəti “ASAN xidmət” mərkəzinin fəaliyyəti ilə tanış olub.

Newscenter.az-a qurumdan bildirilib ki, qonaqlara “ASAN xidmət”in yaradılması məqsədləri və fəaliyyət istiqamətləri barədə ətraflı məlumat verilib. Qeyd olunub ki, şəffaflığın artırılması və müasir innovasiyaların tətbiqi baxımından “ASAN xidmət”in yaradılması ilə səmərəli dövlət idarəçiliyinin təmin edilməsi sahəsində ciddi naliyyətlər əldə olunub.

Görüş zamanı qonaqlara, həmçinin Dövlət Agentliyinin digər fəaliyyət istiqamətləri, elektron hökumətin inkişafı, sosial innovasiyalar sahəsində həyata keçirilən işlər və naliyyətlər barədə ətraflı məlumat verilib.

Bildirilib ki, bu günədək 52 milyondan çox vətəndaş müraciəti qeydə alınıb. “ASAN xidmət”in 2015-ci ildə Birləşmiş Millətlər Təşkilatının Dövlət Xidmətləri Mükafatına, 2019-cu ildə isə BMT-nin rəqəmsal idarəetmənin tətbiqi ilə dövlət xidmətinin inkişafı sahəsində xüsusi mükafatına layiq görülməsi qonaqların diqqətinə çatdırılıb.

Görüşdə Qırğız Respublikasının Rəqəmsal İnkişaf Nazirliyi “ASAN xidmət”, həmçinin Dövlət Agentliyinin elektron hökümət və s. sahələrdəki fəaliyyət təcrübəsinin öyrənilməsində maraqlı olduğunu və bu istiqamətdə hüquqi çərçivənin yaradılması niyyətini bildirib.

Sevinc