“Liviyadan Qarabağadək qardaşlarımıza dəstək verdiyimiz hər yerdə zəfər nidaları yüksəldi”.

Newscenter.az bildirir ki, “Report”un xəbərinə görə, bunu Türkiyə Prezidenti Rəcəb Tayyib Ərdoğan deyib.

“Əlbəttə, İlahi ədaləti unuda bilmərik. İsveç və Finlandiyanın NATO-ya üzvlüyünə həmin dövlətlərin terrorçuları dəstəklədiklərinə görə etiraz edirik. NATO təhlükəsizlik təşkilatıdır, terror təşkilatı deyil.

İsveç, Finlandiya, Almaniya, Niderland və Fransda polislər terrorçuları dəstəkləyirlər, onları müdafiə edirlər. Hətta parlamentlərində onların rəhbərlərinə söz verirlər. Bütün bunlar göz önündə olduğu halda, biz necə onlara “buyurun, gəlin” deyə bilərik?!”, - o söyləyib.