“Türkiyə ilə nisbətən ortaq razılaşma əldə etdik. Görüşlə bağlı nə bədbin, nə də nikbinəm”.

Newscenter.az-ın məlumatına görə, “Report” “Habertürk”ə istinadən xəbər verir ki, bunu Finlandiya Prezidenti Sauli Niinstö ölkəsinin NATO-ya üzvlüyü ilə bağlı keçiriləcək dördtərəfli görüş öncəsi açıqlamasında bildirib.

O, ölkəsinin terrorçu PKK-nı qoruduqları ilə bağlı Türkiyənin irəli sürdüyü qınağı qəbul etmədiklərini söyləyib: “Bu qəti olaraq doğru deyil. Terrorçuluq, sadəcə, Türkiyədə deyil, başqa yerlərdə də ciddi narahatlıq yaradır. Bugünkü görüşdə bunu söyləyəcəyəm”.

Qeyd edək ki, iyunun 28-29-da İspaniyanın paytaxtı Madriddə keçiriləcək Zirvə toplantısında Finlandiya və İsveçin Alyansa üzvlüyü məsələsi müzakirə olunacaq. Sammitdən əvvəl Türkiyə, İsveç, Finlandiya dövlət və hökumət başçıları ilə NATO Baş katibinin toplantısı olacaq.

Bizim Instagram səhifəmizə abunə ol