“Türkiyə prezidenti Ərdoğanın dünən Cəbrayılda yurdlarımızdakı erməni vandallığına göz yuman Qərbi, onların nəzarətindəki beynəlxalq təşkilatları sərt tənqid etməsi və Ermənistandan təzminat tələbini gündəliyə gətirməsi ən çox Qərbin Azərbaycandakı “5-ci kolon”unun təmsilçilərini narahat edib”.

Newscenter.az xəbər verir ki, bu fikirləri politoloq Elxan Şükürlü səsləndirib. Onun sözlərinə görə, dünən gecədən etibarən, nəzarətlərindəki internet televiziyalarında və sosial şəbəkələrdə açıq-aşkar Ərdoğanın əleyhinə təbliğata başlayıblar:

“O Ərdoğanın ki, Türkiyədəki Qərb şəbəkəsinin də əsas hədəfindədir və o, 44 günlük savaşda köməyimizə yetməsəydi, ermənilər hələ də məscidlərimizdə donuz saxlayır, çoxumuzun dədə-babasının qəbri üstündə isə erməni əsgəri özünü, murdar çəkməsini təmizləyirdi. Həyat sübut edib ki, nankorluq, vəfasızlıq həm də qanıpozuqluğa, zatıqırıqlığa və namərdliyə işarədir”.