"Ermənistanın Vaşinqtonda xarici işlər nazirləri səviyyəsində keçirilən görüşdə qeyri-konstruktivlik göstərərək hər hansı bir razılaşmanın əldə olunmasına maneçilik törətməsinin arxasında məkirli plan dayanır. Bu da Türkiyə amili ilə bağlıdır".

Bu fikirləri Newscenter.az-a səsləndirən politoloq Arzuman Muradlı deyib ki, İrəvan sülh müqaviləsi ətrafında gedən danışıqlar prosesini Türkiyədə keçiirləcək prezident seçkilərinə qədər yubadacaq və seçkilərin nəticəsinə uyğun olaraq ortaya mövqe qoyacaq:

"Ermənistan hakimiyyəti ümid edir ki, mayın 14-də Türkiyədə keçiriləcək prezident seçkilərində Rəcəb Tayyib Ərdoğan məğlub olacaq və bununla da Türkiyə-Azərbaycan münasibətlərində nisbi sərinlik yaranacaq. Bu situasiyadan istifadə edən Ermənistan isə yenidən Azərbaycana qarşı hərbi əməliyyatlara start verəcək. İrəvanın gizli yolla silahlanması da məhz buna xidmət edir".

Politoloq əmin olduğunu bildirib ki, Ermənistanın ümidləri puça çıxacaq və türk xalqı 14 may tarixində doğru və düzgün seçim edərək yenidən yola Rəcəb Tayyib Ərdoğanla davam deyəcək.

Mehman[b][/b]