"Cənubi Qafqaz İran-İsrail çəkişməsinin bir meydançasıdır. Çünki Azərbaycan Ermənistan üzərində qələbə qazandıqdan sonra regional konfiqurasiyadakı maraqlar da şişib böyüyür".

Newscenter.az xəbər verir ki, bu fikirləri siyasi şərhçi Akşin Kərimov səsləndirib. O bildirib ki, Azərbaycanla İsrailin bir-birilə əməkdaşlıq edib onu irəlilətməyə, dərinləşdirməyə, hətta strateji müttəfiq səviyyəsinə qaldırmağa göstərdiyi maraq qarşılıqlıdır:

"Bu, İranın və onun əli altındakı qüvvələrinin fəaliyyətinə qarşı effektiv mübarizə üsulu yaradır. Lakin İsraillə Azərbaycanın müttəfiqliyinin hansı meyarlara söykənməyindən asılı olmayaraq, bu, İrana xoş gəlmir, ona görə də Tehranın regional fəaliyyətində davamlı hansısa təxribatlara şahidlik edə bilərik".

Anar Əliyev