“Ermənilərin iddia etdikləri kimi Qarabağda yaşayan ermənilər üçün humanitar böhrandan söhbət belə gedə bilməz”.

Newscenter.az xəbər verir ki, bu fikirləri AMİP Siyasi Şurasının üzvü, partiya liderinin köməkçisi Əli Oruclu səsləndirib. O bildirib ki, humanitar böhran yaşanılarsa, o zaman öz ölkəsinin humanitar yardımından vətəndaşı imtina edərək xarici ölkənin köməyini israrla istəməz:

“Məncə, BMT Təhlükəsizlik Şurası Azərbaycana Laçın dəhlizini açma çağrışı etməklə kifayətlənəcək. Ona görə ki, hər hansı sənəd o cümlədən qətnamə qəbul etməsi üçün beynəlxalq hüquqi baza da yoxdur. Əlavə olaraq da hazırkı Təhlükəsizlik Şüasındakı üzv dövlətlərin balansı Azərbaycanın xeyrinədir. Düşünmürəm ki, tələb olunan 9 üzv dövlət də ermənilərin yalanlarına uysun və BMT Nizamnaməsinə zidd getsin”.

Əli Oruclunun sözlərinə görə, rəsmi Bakı BMT-yə öz iradını və etirazını qəti şəkildə bildirməlidir ki, Azərbaycanda Dağlıq Qarabağ adlı inzibatı ərazi Vahidi yoxdur, Qarabağ iqtisadi rayonu var.

Anar Əliyev