Milli Məclisin deputatı İqbal Məmmədov Lerik Peşəkar Futbol Klubunun (PFK) prezidenti Famil Məmmədovla görüşüb.

Newscenter.az-a İqbal Məmmədovun Deputat Qərargahından bildirilib ki, görüş zamanı komandanın hazırkı vəziyyəti və gələcək planları barədə müzakirələr aparılıb. Komandaya gələcək işlərində yeni-yeni uğurlar arzulayan millət vəkili, Lerik PFK-nin daha fəal və məhsuldar fəaliyyət göstərməsi üçün əlindən gələn dəstəyi əsirgəməyəcəyini diqqətə çatdırıb.

Sonda futbol klubunun prezidenti üzərində deputatın adı olan rəmzi formanı millət vəkili İqbal Məmmıədova hədiyyə edib.



Anar Əliyev