Türkiyədə sərnişin avtobusunda narkotik daşınması halı müəyyən edilib.

Newscenter.az trthaber-ə istinadən bildirir ki, hadisə Şanlıurfanın Siverek rayonunda qeydə alınıb. Belə ki, Siverek Rayon Jandarma Komandanlığı avtobus firmasının işçilərinin qərb əyalətlərinə narkotik aparması barədə məlumat əldə edib. Məlumat əsasında polisin detektor itlərin köməyi ilə apardığı axtarış zamanı sözügedən istiqamətdə hərəkət edən sərnişin avtobusundan 5 kiloqram narkotik aşkar olunub.

Faktla bağlı araşdırma aparılır.

Anar TAGİYEV