[/centerDominikan Respublikasında aramsız yağışlar daşqınlara səbəb olub.
Newscenter.az trthaber-ə istinadən bildirir ki, daşqınlar Dominikanda 21 nəfərin həyatına son qoyub. Həlak olanların 4-ü ABŞ, 2-si Haiti vətəndaşıdır.
Ölkənin Fövqəladə Hallar Mərkəzinin yaydığı məlumata görə, leysan yağışlar və daşqınlar kənd təsərrüfatı və fərdi evlərə güclü ziyan vurub. Belə ki, 1583 ev daşqınlardan zərər çəkib, 7 min 915 nəfər təhlükəsiz bölgələrə köçmək məcburiyyətində qalıb.
14 əyalətdə qırmızı həyəcan elan edilib. Dominikan Respublikasının Prezidenti Luis Abinader təbii fəlakət nəticəsində həyatını itirənlər üçün 3 günlük milli matəm elan edib.
Anar TAGİYEV
