Aramsız leysan yağışlar və sel daşqınları Türkiyədə 9 nəfərin həyatına son qiyub.

Newscenter.az trthaber-ə istinadən bildirir ki, bu barədə məlumatı Türkiyənin daxili işlər naziri Ali Yerlikaya verib:

"Təəssüf ki, Zonguldak Karadeniz Ereğlidə 3 vətəndaşımız həyatını itirdi. Batmanda 4 vətəndaşımız, Diyarbəkir Hanıda isə 1 vətəndaşımız sel nəticəsində həyatını itirdi".

Nazir Yerlikaya daha sonra bunları deyib:

"Zonquldak sahillərində batan Türkiyə bayraqlı quru yük gəmisində 13 türk ekipaj üzvündən birinin cansız cəsədi tapılıb. Gecə saatlarında ictimaiyyətlə paylaşdığımız kimi, limanda bağlanmış Kamerun bayraqlı gəmi kəndirinin qırılması nəticəsində quruya sürükləndi. Gəminin ekipajı yanğınsöndürənlər tərəfindən xilas edilib. Batan türk gəmisinin itkin düşmüş 11 ekipaj üzvünün axtarış-xilasetmə işlərinə başlanıb. Axtarış-xilasetmə əməliyyatlarımız hava şəraitinin imkan verdiyi miqyasda 295 texnika, 2 təyyarə və 1 helikopter, patrul qayıqlarımızla intensiv şəkildə davam edir".

Mehman Mehdiyev