Türkiyədə hərəkətdə olan avtobusda anidən yanğın baş verib.

Newscenter.az trthaber-ə istinadən bildirir ki, hadisə Konyanın Ereğli rayonunda qeydə alınıb. Belə ki, 40 sərnişinin olduğu avtobusunda baş verən yanğından sərnişinlər çətinliklə xilas ediliblər.

Adana-Konya şosesində hərəkət edən avtobusda tüstüləmə və daha sonra yanğın baş verib. Sürücü dərhal avtobusu yol kənarındakı obyektin dayanacağına çəkib və sərnişinləri dərhal təxliyyə edib.

Yanğın yanğınsöndürmə briqadalarının müdaxiləsi ilə nəzarətə götürülərək söndürülüb. Yanğında xəsarət alan olmasa da, külli miqdarda maddi ziyan meydana gəlib. Avtobus tamamilə yararsız vəziyyətə düşüb. Yanğınla bağlı araşdırmalara başlanılıb.

Anar Əliyev