Keçən ay magistral və daxili yollarda qeydə alınan nəqliyyat vasitələrinin sayı bir əvvəlki ilin eyni ayına görə, 80,4 faiz artaraq 184 min 767-yə çatıb.

Newscenter.az Türkiyə Statistika Qurumuna istinadən bildirir ki, oktyabr ayında qeydiyyata alınan nəqliyyat vasitələrinin 44 faizini motosiklet, 40,9 faizini minik avtomobili, 8,4 faizini pikap, 3,8 faizini traktor, 1,8 faizini yük avtomobilləri, 0,7 faizini mikroavtobuslar, 0,3 faizini avtobuslar, 0,1 faizini isə xüsusi təyinatlı avtomobillər təşkil edib.

Bu müddətdə hərəkətdə olan nəqliyyat vasitələrinin sayı əvvəlki ayla müqayisədə mikroavtobuslarda 4,1, avtomobillərdə 2,5, motosikletlərdə 14,1, pikaplarda 11,1, xüsusi təyinatlılarda 11,1, xüsusi təyinatlılarda 6 faiz artıb. Ancaq traktorlarda 2, avtobuslarda 2, yük maşınlarında isə 1,1 faiz azalıb.

Natiq Orucov