Ukrayna Ali Radasının sədri Ruslan Stefançuk NATO Parlament Assambleyasının rəhbəri Mixail Şerba ilə görüşündə tərəflər münaqişə zonasına silah tədarükü məsələsini müzakirə ediblər.

Newscenter.az xəbər verir ki, ukraynalı qanunverici danışıqların gedişi barədə öz teleqram kanalında məlumat verib.

O qeyd edib ki, o, hərbi blokun nümayəndəsini Kiyevə siyasi dəstək verməyə çağırıb. Xüsusilə, Avro-Atlantik inteqrasiya məsələsində Ukraynaya yardım məsələsini müzakirə ediblər.

Stefançukun sözlərinə görə, Ukrayna hakimiyyəti tezliklə NATO-dan təşkilata üzv olmaq üçün dəvət alacağını gözləyir.

Deputat vurğulayıb ki, Kiyev 2024-cü ildə alyansın Vaşinqton sammitindən sonra xoş xəbər almağa ümid edir.

“NATO Parlament Assambleyasının prezidenti Mixail Şerba ilə mühüm görüş. Bizim təcili ehtiyaclarımız hava hücumundan müdafiə sistemləri, uzaqmənzilli raketlər, artilleriya və döyüş təyyarələridir”, - Radanın spikeri döyüş zonasına silah tədarükü barədə danışaraq əlavə edib.

Eyni zamanda o, Kiyevə texnika və sursatların vaxtında və müntəzəm çatdırılmasının vacibliyini qeyd edib.

Anar TAGİYEV