Qarlı və şaxtalı hava Qırğızıstanda bir çox fəsadlara yol açıb.

Newscenter.az trthaber-ə istinadən bildirir ki, ölkədə hökm sürən soyuq hava ilə əlaqədar bütün təhsil müəssisələrində üzbəüz təhsilin dayandırılması və təlimin onlayn keçirilməsi qərara alınıb.

Qırğızıstanın Təhsil və Elm Nazirliyinin Mətbuat Mərkəzi onlayn dərslərin gələn həftəyə qədər davam edəcəyini bildirib.

Qırğızıstanın Fövqəladə Hallar Nazirliyinə bağlı Hidrometeorologiya Xidmətindən verilən açıqlamada şaxtalı havanın davam edəcəyi, bəzi yerlərdə havanın temperaturunun mənfi 35-dən aşağı düşəcəyi qeyd edilib.

Əlverişsiz hava şəraitindən ictimai nəqliyyatın, enerji və ictimai xidmətlərin fəaliyyəti çətinləşib.

Anar TAĞIYEV