Azərbaycan Respublikası Dövlət Gömrük Komitəsinin “Azərterminalkompleks” Birliyində gömrük təmsilçiliyi üzrə 30 (otuz) vakant mütəxəssis vəzifəsinin tutulması məqsədilə müsabiqə elan edilir.
Newscenter.az xəbər verir ki, müsabiqədə iştirak üçün müraciət edən namizəd vakant vəzifənin tutulması üçün müəyyən edilmiş ümumi şərtlərin tələblərinə də cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsabiqədə iştirak edə bilməz.
Vakant vəzifənin tutulması şərtləri:
• Təhsilə dair tələblər: ali təhsil
• İş stajına dair tələblər: 2 il ( gömrük təmsilçiliyi sahəsi üzrə)
• İxtisas attestatına dair tələblər : Azərbaycan Respublikası Dövlət Gömrük Komitəsi tərəfindən verilmiş mütəxəssisin ixtisas attestatı
• Kompüter biliklərinə dair tələblər: MS Office proqramları, ofis texnikasından istifadə, internetdən istifadə (orta səviyyədə)
• Xarici dil biliklərinə dair tələblər: ingilis dili (arzu olunandır), rus dili (arzu olunandır)
Ümumi bacarıqlara (səriştələrə) dair tələblər:
• kollektivdə işləmək və ünsiyyətqurma;
• təhlil aparmaq;
• problem həll etmək və qərarvermə.
Funksional bacarıqlara (səriştələrə) dair tələblər:
• Gömrük bəyannaməsinin kağız üzərində yazılı və elektron formalarda tərtib edilməsi qaydalarını bilmək;
• Elektron və kağız formatda hazırlanmış bəyannamələri emal etmək;
• Gömrük bəyannaməsinin məzmunu, onunla birlikdə təqdim olunmalı sənədlər barədə biliklərə malik olmaq;
• Gömrük bəyannaməsinin təsdiqi üzrə qanunvericiliyin tələblərini bilmək;
• Gömrük bəyannaməsinin müəyyən olunmuş şərtlərə uyğun yoxlanılması üzrə biliklərə malik olmaq.
Qulluq funksiyaları :
• Gömrük bəyannaməsinin tərtibi;
• Gömrük bəyənnamələrinin elektron qaydada doldurulması və elektron imza ilə təsdiqlənməsi;
• Gömrük hesabatlarının ödəniş üçün sistemə işləyərək maliyyə şöbəsinə təqdim edilməsi;
• Qısa idxal bəyannamələrinin rəsmiləşdirilməsi;
• Gömrük rüsumlarının əvvəlcədən hesablanması;
• Elektron məlumat bazasında (asan imza) bəyannamələrlə işləmək.
Müsabiqədə iştirak etmək istəyən şəxslər 2023-cü il 25 dekabr tarixinədək hazırkı dövrü əhatə edən kadrlar uçotunun şəxsi vərəqəsini [email protected] elektron poçt ünvanına göndərə bilərlər.
Namizədlər aşağıda qeyd olunan qanunvericilik aktlarına dair biliklərə malik olmalıdır:
1. Azərbaycan Respublikasının Gömrük Məcəlləsi [1]
2. "Gömrük tarifi haqqında" Azərbaycan Respublikasının Qanunu [2]
3. “Mülki dövriyyədə olmasına yol verilməyən (mülki dövriyyədən çıxarılmış) əşyaların siyahısı haqqında” Azərbaycan Respublikasının Qanunu [3]
4. “Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında” Azərbaycan Respublikasının Qanunu [4]
5. Azərbaycan Respublikası Prezidentinin 24 iyun 1997-ci il 609 nömrəli Fərmanı ilə təsdiq edilmiş “Azərbaycan Respublikasında idxal-ixrac əməliyyatlarının tənzimlənməsi Qaydaları” [5]
6. Azərbaycan Respublikası Nazirlər Kabinetinin 12 oktyabr 2012-ci il tarixli 230 nömrəli Qərarı ilə təsdiq edilmiş "Gömrük brokerlərinin dövlət reyestrinin aparılması Qaydaları" [6]
7. Azərbaycan Respublikası Nazirlər Kabinetinin 12 oktyabr 2012-ci il tarixli 229 nömrəli Qərarı ilə təsdiq edilmiş "Malların təkrar idxal gömrük proseduru altında yerləşdirilməsi Qaydaları" [7]
8. Azərbaycan Respublikası Nazirlər Kabinetinin 31 oktyabr 2012-ci il tarixli 252 nömrəli Qərarı ilə təsdiq edilmiş "Malların təkrar ixrac gömrük proseduru altında yerləşdirilməsi Qaydaları" [8]
9. Azərbaycan Respublikası Nazirlər Kabinetinin 2 sentyabr 2013-cü il tarixli 244 nömrəli Qərarı ilə təsdiq edilmiş "Malların müvəqqəti ixrac gömrük proseduru altında yerləşdirilməsi Qaydaları" [9]
10. Azərbaycan Respublikası Nazirlər Kabinetinin 2 sentyabr 2013-cü il tarixli 245 nömrəli Qərarı ilə təsdiq edilmiş "Malların müvəqqəti idxal xüsusi gömrük proseduru altında yerləşdirilməsi Qaydaları" [10]
11. Azərbaycan Respublikası Nazirlər Kabinetinin 14 yanvar 2014-cü il tarixli 5 nömrəli Qərarı ilə təsdiq edilmiş "Malların beynəlxalq və daxili tranzit xüsusi gömrük prosedurları altında yerləşdirilərək daşınması Qaydaları" [11]
12. Azərbaycan Respublikası Nazirlər Kabinetinin 27 avqust 2013-cü il tarixli 233 nömrəli Qərarı ilə təsdiq edilmiş "Malların son istifadə xüsusi gömrük proseduru altında yerləşdirilməsi Qaydaları" [12]
13. Azərbaycan Respublikası Nazirlər Kabinetinin 27 avqust 2013-cü il tarixli 229 nömrəli Qərarı ilə təsdiq edilmiş "Malların saxlanc xüsusi gömrük proseduru altında yerləşdirilməsi Qaydaları" [13]
14. Azərbaycan Respublikası Nazirlər Kabinetinin 6 fevral 2014-cü il tarixli 34 nömrəli Qərarı ilə təsdiq edilmiş "Malların xaricdə emal xüsusi gömrük proseduru altında yerləşdirilməsi Qaydaları" [14]
15. Azərbaycan Respublikası Nazirlər Kabinetinin 14 yanvar 2014-cü il tarixli 4 nömrəli Qərarı ilə təsdiq edilmiş "Malların daxildə emal xüsusi gömrük proseduru altında yerləşdirilməsi Qaydaları [15]
16. Azərbaycan Respublikası Nazirlər Kabinetinin 27 fevral 2013-cü il tarixli 29 nömrəli Qərarı ilə təsdiq edilmiş “Sərbəst zonaya gətirilən daxili malların, sərbəst zona daxilində emal əməliyyatlarına məruz qalmış daxili malların və sərbəst zona daxilində sərbəst dövriyyəyə buraxılmış malların gömrük orqanları tərəfindən daxili mallar gömrük statusunun təsdiq edilməsi Qaydası” [16]
17. Azərbaycan Respublikası Nazirlər Kabinetinin 3 avqust 2012-ci il tarixli 163 nömrəli Qərarı ilə təsdiq edilmiş "Malların sərbəst dövriyyə üçün buraxılış gömrük proseduru altında yerləşdirilməsi Qaydaları" [17]
18. Azərbaycan Respublikası Nazirlər Kabinetinin 17 iyun 2016-cı il tarixli 231 nömrəli Qərarı ilə təsdiq edilmiş "Baytarlıq, fitosanitar və sanitariya nəzarətinə aid malların Vahid Siyahısı" [18]
19. Azərbaycan Respublikası Nazirlər Kabinetinin 22 iyul 2014-cü il tarixli 263 nömrəli Qərarı ilə təsdiq edilmiş “Gömrük sərhədindən keçirilən malların və nəqliyyat vasitələrinin bəyan edilməsi Qaydaları” [19]
20. Azərbaycan Respublikası Nazirlər Kabinetinin 26 aprel 2016-cı il tarixli 168 nömrəli Qərarı ilə təsdiq edilmiş "Gömrük yığımlarının məbləğləri" [20]
21. Azərbaycan Respublikası Nazirlər Kabinetinin 23 yanvar 2014-cü il tarixli 17 nömrəli Qərarı ilə təsdiq edilmiş “Gömrük təmsilçiliyi, o cümlədən gömrük brokeri fəaliyyətini tənzimləyən Qaydalar” [21]
22. Azərbaycan Respublikası Nazirlər Kabinetinin 19 sentyabr 2012-ci il tarixli 207 nömrəli Qərarı ilə təsdiq edilmiş “Gömrük rəsmiləşdirilməsi üzrə mütəxəssislərə ixtisas attestatının verilməsi, fəaliyyətinin dayandırılması və ləğv edilməsi Qaydaları” [22]
23. Azərbaycan Respublikası Dövlət Gömrük Komitəsinin 31 oktyabr 2014-cü il 31 tarixli 100/143 nömrəli Sərəncamı ilə təsdiq edilmiş "Gömrük bəyannamələrinin doldurulması qaydasının Metodikası" [23]
R.Mehdiyeva
