İranın paytaxtı Tehranda yanacaqdoldurma məntəqələrində uzun növbələr yaranıb.

Newscenter.az trthaber-ə istinadən bildirir ki, buna səbəb yanacaqdoldurma məntəqələrində istifadə edilən internet sisteminin işləməməsidir.

İslam Respublikasının paytaxtındakı bir çox yanacaqdoldurma məntəqələrində alışlar dayanıb. Bəzi stansiyalarda isə benzin satışı nəğd ödənişlə həyata keçirilir.

Şəhərin ən sıx əraziləri sayılan Firdevsi, Vəliəsr və Esedabadidə stansiyalar tamamilə bağlanıb. Vəziyyətə nəzarət etmək və hər hansı bir qarşıdurmanın baş verməməsi üçün təhlükəsizlik qüvvələri Tehranın demək olar ki, hər yanacaqdoldurma məntəqəsinə yerləşdirilib.

Anar TAĞIYEV