ABŞ-ın Massaçusets Texnologiya İnstitutunun alimləri qamma dalğalarını stimullaşdırmaq üçün işıq, səs və ya elektromaqnit sahəsindən istifadə etməklə alzheymer xəstəliyi ilə mübarizənin yeni potensial yolunu aşkar ediblər.

Newscenter.az xəbər verir ki, araşdırmanın nəticələri “Journal of Internal Medicine” jurnalında dərc olunub.

Məlumdur ki, alzheymer xəstəliyi qamma diapazonunda sürətli beyin dalğalarının 30-100 hers arasında azalması ilə xarakterizə olunur. Xəstəlik inkişaf etdikcə patogen zülalların - beta-amiloid və tau yığılması müşahidə olunur. Onlar neyronların atəş tezliyini, aksonlarda və sinapslarda siqnalların sürətini dəyişdirirlər. Nəticədə sinir dövrələrinin mürəkkəb sxemləri balanssızlaşır, beynin idrak funksiyalarında mühüm rol oynayan sinxron prosesləri pozur.

Son təcrübələr sübut etdi ki, qamma dalğaları bir sıra üsullardan istifadə etməklə alzheymer xəstəliyi olan xəstələrdə təhlükəsiz şəkildə induksiya edilə bilər. Bu müalicələr idrak funksiyasını dəstəkləməyə və demans simptomlarını azaltmağa kömək edir.

Bu təsirə mikroglia hüceyrələri, astrositlər və damar hüceyrələri də daxil olmaqla neyronlardan başqa müxtəlif beyin hüceyrələri vasitəçilik edir. Müəlliflər qeyd edirlər ki, qeyri-invaziv, yəni cərrahi müdaxilə tələb olunmayan, 40 herts tezliyində sensor stimulyasiya neyroprotektiv təsir göstərən hüceyrələrin vəziyyətini dərindən dəyişir, lakin bu təsirin mexanizmi hələ də məlum deyil.

Anar Tağıyev