Heydər Əliyev Beynəlxalq Aeroportu sərnişinlərə yola düşməzdən əvvəl komfortdan zövq almaq imkanı yaradacaq Yeni il müsabiqəsi elan edir.

Bu barədə Newscenter.az-a hava limanından bildirilib.

Məlumata görə, müsabiqədə 29 fevral 2024-cü il tarixinə qədər Bakıdan səyahət etməyi planlaşdıran bütün sərnişinlər iştirak edə bilərlər. Bunun üçün sərnişinlər hava limanının rəsmi Instagram səhifəsini www.instagram.com/bakuairport izləməli və müvafiq postun altında şərh yazaraq iştirakını təsdiqləməlidirlər. Müsabiqənin qalibləri hava limanının biznes zallarının unikal üstünlüklərindən, o cümlədən istirahət və iş üçün rahat şəraitdən, müxtəlif yemək, içki və digər xidmətlərdən yararlanmaq fürsəti əldə edəcəklər.

Müsabiqə haqqında ətraflı məlumatı hava limanının sosial şəbəkələrdəki rəsmi səhifələrindən, həmçinin airport.az/az/press-release/yeni-il-musabiq-si/ linkindən əldə etmək mümkündür.

Hər kəsə xoş və komfortlu səyahət arzulayırıq!

Nərgiz Əzizova