Keçən il Türkiyənin avtomobil ixracında artım qeydə alınıb.

Newscenter.az Türkiyənin Statistika Təşkilatına istinadən bildirir ki,2023-cü ildə 112 ölkəyə minik avtomobili satılıb.

Keçən il həmçinin avtomobil sənayesinə aid olan məhsulların ixracında da artım qeydı alınıb. Belə ki, bu sektor üzrə ixrac 2022-ci ilə nisbətən 13 faiz artaraq 35 milyard dollara çatıb.

Sektorun 2022-ci ildə 9 milyard 264 milyon 786 min dollar olan minik avtomobili ixracı məbləği, 2023-cü ildə 19,40 faiz artaraq 11 milyard 62 milyon 802 min dollar olub. Avtomobil sənayesinin ümumi ixracının 31,60 faizini minik avtomobilləri təşkil edib.

Ən çox minik avtomobilinin satıldığı 10 ölkədən 8-i regionlar üzrə sektorun əsas bazarları olan Avropa ölkələri olub. Avtomobil istehsalçıları ümumi ixracatın yarıdan çoxunu ilk 4 ölkəyə, Fransa, İtaliya, İspaniya və Böyük Britaniyaya həyata keçiriblər.

Nərgiz Əzizova