"Qanunsuzluq ucbatından cəmiyyətdə mənfi tendensiyalar baş verir. Son nəticədə bütün bunlar ölkənin inkişafına mane olur, dövlətin şərəfinə xələl gətirir".

Newscenter.az "Sputnik Qazaxıstan"a istinadən bildirir ki, bunu Qazaxıstan prezidenti Kasım-Jomart Tokayev Daxili İşlər Nazirliyinin genişləndirilmiş kollegiyasının iclasında çıxışı zamanı deyib.

"Xalqımızın dünyagörüşünə yad olan ideologiya bizim üçün də böyük təhlükə yaradır", deyən dövlət başçısı bildirib ki, ölkə, xüsusən də gənc nəsil süni ideyaların, yalançı qəhrəmanların ardınca getməməlidir:

"Sosial şəbəkələrdə gəncləri qanunsuz fəaliyyətə sövq edən materiallar var. Hətta qanunu pozan insanları nümunə kimi göstərənlər də var",-deyə Tokayev bildirib.

Dövlət başçısının sözlərinə görə, qazaxıstanlılar istənilən qanunsuzluğa qarşı olmalıdırlar.

"Qanun pozuntularına tab gətirmək üçün güclü immunitetə ​​ehtiyacımız var. Ölkəni təhdid edən hərəkətlərə bəraət qazandırılmasının qarşısını qəti şəkildə almaq lazımdır. Hüquqi nihilizmə, yəni qanunun aliliyini inkar etməyə yol vermək olmaz. Qanuna hörmət vicdanlı vətəndaşın keyfiyyətlərindən biri kimi tərənnüm edilməlidir. Bu, təkcə dövlət orqanlarının deyil, bütün insanların ümumi borcudur”.

Anar TAĞIYEV