Türkiyədə martın 31-də keçirilən bələdiyyə seçkilərində protokolların 15,93 faizi hesablandıqdan sonra ölkənin ən böyük müxalif Cümhuriyyət Xalq Partiyasının İstanbul və Ankara üzrə namizədləri hazırkı bələdiyyə sədrləri Əkrəm İmamoğlu və Manasur Yavaş postlarını qoruyurlar.

Newscenter.az xəbər verir ki, İmamoğlu 49,53%, AK partidən olan namizəd Murat Kurum 41,72 % səs toplayıb.

Ankara üzrə isə Manasur Yavaş 56,24 %, hakim parityadan olan namizəd Turgut Altınok isə 36,47 % səs toplayıb.

CHP İzmir şəhərində də ilk sıradadır - Cemil Tuqay 47,50% səslə birinci, onun rəqibi Ədalət və İnkişaf Partiyasından Hamza Dağ isə 37,56% ilə ikinci sıradadır.

Bütövlükdə ölkə üzrə keçirilən bələdiyyə seçkilərində müxalif Cümhuriyyət Xalq Partiyası (CHP) liderlik edir. Hakim partiya AKP 37,96%, onun əsas rəqibi Cümhuriyyət Xalq Partiyası isə 39,39% səs toplayır.