Baham adaları Fələstini rəsmi olaraq dövlət kimi tanımaq qərarına gəlib.

Newscenter.az trthaber-ə istinadən bildirir ki, bunu Baham adaları Xarici İşlər Nazirliyi açıqlayıb.

Nazirlikdən verilən açıqlamada, hökumətin "fələstinlilərin öz siyasi statuslarını sərbəst şəkildə təyin etmək və iqtisadi, sosial və mədəni inkişaflarını sərbəst şəkildə davam etdirmək hüququnu dəstəklədiyi" bildirilib.

Bəyanatda Baham adalarının iki dövlətli həll yolunu dəstəklədiyi və Fələstini bir dövlət olaraq rəsmən tanıdığı paylaşılıb.

Qeyd edək ki, Barbados və Yamayka da aprel ayında Fələstini dövlət kimi tanımaq qərarına gəlib.

Mehman Mehdiyev