"Milli Qeyri-Hökumət Təşkilatları Forumu (MQF) uzun illərdir ki, beynəlxalq təşkilatların elan etdiyi qrant müsabiqələrində iştirak edib, layihə təqdim etsə də, lakin bizim heç bir layihələrimiz dəstək görməyib, qalib olmayıb. Baxmayaraq ki, təqdim etdiyimiz layihələr ən yüksək səviyyədə hazırlanıb və günümüzün reallıqlarına, mövcud problemlərin həllinə həsr olunub".

Newscenter.az xəbər verir ki, bu fikirləri Milli Qeyri-Hökumət Təşkilatları Forumunun prezidenti Rauf Zeyni səsləndirib. O bildirib ki, buna səbəb MQF-nin Azərbaycan dövlətini və dövlətçiliyini dəstəkləməsidir:

"Bir müddət əvvəl beynəlxalq təşkilatlardan birinin elan etdiyi müsabiqədə bizim təqdim etdiyimiz layihə ən yüksək bal yığmışdı. Ancaq bizə bildirdilər ki, Sizə maliyyə yardımı ayıra bilmərik".

Rauf Zeyni əmin olduğunu bildirib ki, qarşıdakı müddətdə bu kimi problemlər aradan qaldırılacaq.

Süleyman