Qazaxıstan prezidenti ölkəsində tamamilə yeni və inteqrasiya olunmuş meqapolisin tikintisi təşəbbüsü ilə çıxış edib.

Newscenter.az "Sputnik Qazaxıstan"a istinadən bildirir ki, bunu prezident Kasım-Jomart Tokayev Sinqapurda səfəri zamanı deyib. Sinqapur investisiyaları hesabına yaradılacaq meqopolisi Tokayev "Mərkəzi Asiyada Sinqapur"u hesab edib.

"Bu məqsədlə ayrılan min kvadrat kilometrə yaxın ərazi Xüsusi İqtisadi Zona rejimi çərçivəsində inkişaf etdiriləcək. Qazaxıstan və Sinqapur coğrafi uzaqlıqlarına baxmayaraq, siyasi və iqtisadi baxımdan etibarlı tərəfdaş ölkələr olaraq qalırlar",-deyə Tokayev bildirib.

Nərgiz Əzizova