"Bir neçə gün əvvəl iyunun 21-də Prezident İlham Əliyev “Euronews”a verdiyi müsahibəsində Azərbaycanın yaşıl gündəliyi, onun nəinki ənənəvi enerji mənbələrinə, o cümlədən bərpaolunan enerjiyə sərmayə yatıranlar üçün cəlbedici ölkə olması barədə dəyərli fikirlərini bölüşdü.

Cənab Prezident diqqətə çatdırdı ki, Azərbaycanda yaxşı sərmayə mühiti var. Ölkə ənənəvi enerjidən əldə etdiyi gəlirləri hazırda bərpaolunan enerjiyə yönəldir. COP29-a ev sahibliyi edəcək ölkə kimi yaşıl enerjiyə keçid prosesində öndə gedənlərdən olmaq bizim üzərimizə düşən öhdəlikdir".

Newscenter.az-ın xəbərinə görə, bu fikirləri Milli Məclisin deputatı Jalə Əhmədova səsləndirib. Onun sözlərinə görə, ölkə başçımız bildirdi ki, Azərbaycanın böyük tərəfdaşları var. “Masdar” ölkəmizin strateji tərəfdaşıdır. Həmçinin “ACWA Power” və BP sərmayədarlarımız sırasındadır. Azərbaycan ilə işləməyi planlaşdıran digər ölkələrin bir çox şirkətləri var:


“Masdar” Azərbaycanın bərpaolunan enerji sahəsində strateji tərəfdaşıdır. Ötən ilin oktyabrında ölkəmizdə 230 meqavatlıq ilk Günəş enerjisi stansiyasının açılışı oldu. Perspektivdə 10 qiqavata və 2030-cu ilədək 5 qiqavata qədər gücü əhatə edən bütün müqavilələr və anlaşma memorandumları icra olunacaqdır.

Dövlət başçımız müsahibəsində qeyd etdi ki, milli enerji şəbəkəmizi gücləndirməliyik. Sərmayədarların verdiyi mümkün qədər çox enerjini qəbul etmək iqtidarında olmalıyıq. Ötürülmə xətləri ilə bağlı qonşularla fəal çalışmalıyıq. Azərbaycanın özünə planlaşdırdığı qədər bərpaolunan enerji lazım deyil və bu səbəbdən hədəfimiz ixracdır. Beynəlxalq tərəfdaşlıq tələb edən məsələləri biz tərəfdaşlarımızla həll etməliyik. Bərpaolunan enerjidən istifadəyə olduqca düşünülmüş yanaşma tətbiq edilməlidir ki, elektrik enerjisi maksimum istehsal olunsun və təbii qaza qənaət edilsin ki, o, əsasən indi Avropaya lazım olan qaydada nəql olunsun".

Millət vəkili deyib ki, Prezident İlham Əliyev müsahibəsində Bakı Enerji Həftəsinin əhəmiyyəti, Azərbaycanın COP29 zamanı və ondan sonra sədrliyimiz davam edəcəyi dövrdə müsbət mühit qurmaq istəyi, planetin qorunması ilə əlaqədar əsas gündəliyə diqqət yetirilməsinin vacibliyi barədə də mühüm mesajlar verdi:

"Bütün bunlar göstərir ki, Azərbaycanın əsas məqsədlərindən biri birlik və həmrəylik yaratmaqdır".

Süleyman