Cari ilin may ayında 137,9 min ədəd motorlu nəqliyyat vasitəsi qeydiyyata alınıb ki, bu da ötən ilin eyni dövrü ilə müqayisədə 14,4% azadır.

Newscenter.az xəbər verir ki, bu barədə Qazaxıstanın Milli Statistika Bürosu məlumat yayıb.

Onların arasında qeydiyyata alınan avtobusların sayı 3,3 faiz, minik avtomobillərinin sayı 15,2 faiz, yük avtomobillərinin sayı 4,5 faiz azalıb.

Beləliklə, 2024-cü il iyunun 1-nə Qazaxıstanda qeydiyyatda olan avtonəqliyyat vasitələrinin sayı 5 milyon 473,7 minə çatıb ki, bunun da 88 faizi minik avtomobilləri, 9,9 faizi yük avtomobilləri, 2,1 faizi isə avtobuslardır.

Avtomobillərin böyük əksəriyyəti, yəni 81,9%-i benzinlə, 7,1%-i isə dizellə işləyir.
Ətraf mühitin faydalarına baxmayaraq, avtomobillərin yalnız 0,2%-i qazla, bir o qədər də çoxu elektrik enerjisi ilə işləyir. Benzin və digər yanacaq növləri ilə qarışdırılmış avtomobillərin payı 7,5% təşkil edir.

Bununla yanaşı, ötən ilin müvafiq dövrü ilə müqayisədə elektromobillərin sayı 3,1 dəfə artaraq 3229 ədəddən 9906 ədədə çatıb.

Ən çox elektromobil Almatı, Astana şəhərləri və Almatı vilayətindədir.

Natiq Orucov