Sabah Özbəkistan Respublikasının Prezidenti Şavkat Mirziyoyev üçün özəl gündür. Belə ki, qardaş ölkə rəhbərinin doğum günü iyulun 24-nə təsadüf edir.

Newscenter.az xatırladır ki, Özbəkistan Respublikasının ikinci prezidenti kimi tarixə düşən Şavkat Mirziyoyev 1957-ci il, iyul ayının 24-də Özbəkistanın Cizzax vilayətinin Zaamin rayonunda anadan olub.

Şövkət Mirziyoyev 1992–1996-cı illərdə Daşkənd şəhəri Mirzə Uluqbəy rayonunun hakimi işləyib. 1996–2001-ci illərdə Cizak vilayət hakimi olub. 2001–2003-cü illərdə Səmərqənd vilayət hakimi vəzifəsində çalışıb.

Şövkət Mirziyoyev 11 dekabr 2003-cü ildə Özbəkistan Respublikasının Baş Naziri vəzifəsinə təyin olunub. 14 dekabr 2016-cı ildən Özbəkistan Respublikasının 2-ci Prezidentidir.

2021-ci ilin oktyabrında Şavkat Mirziyoyev yenidən Özbəkistan Respublikasının Prezidenti seçilib.

Anar Əliyev