Özbəkistan prezidenti Şavkat Mirziyoyevə "Qızıl qartal" ordeni verilib.

Newscenter.az "Sputnik Qazaxıstan"a istinadən bildirir ki, Özbəkistan prezidentinə sözügedən ordeni Qazaxıstan prezidenti Kasım-Jomart Tokayev təqdim edib.

Özbəkistan Prezidenti Qazaxıstanın ali dövlət mükafatına görə Kasım-Jomart Tokayevə və qardaş qazax xalqına minnətdarlığını bildirib.

"Mən bu mükafatı iki xalq arasında çoxəsrlik əsl dostluq və qonşuluq münasibətlərinin artırılması istiqamətində birgə səylərimizə verilən layiqli qiymət hesab edirəm. Qazaxıstan bizim ən yaxın, etibarlı və zamanın sınağından keçmiş tərəfdaşımızdır", - Mirziyoyev vurğulayıb.

Qeyd edək ki, Özbəkistan prezidentinə "Qızıl Qartal" ordeni Qazaxıstana dövlət səfəri zamanı təqdim edilib.

Anar Əliyev