Avrasiya İqtisadi Komissiyasının kollegiyası Azərbaycan Respublikası və Çin Xalq Respublikasından çıxarılmış və Avrasiya İqtisadi İttifaqının gömrük ərazisinə idxal edilən alüminium lentinə antidempinq rüsumunun tətbiqi ilə bağlı 2020-ci il qərarına dəyişiklik edib.

Newscenter.az "Sputnik Qazaxıstan"a istinadən bildirir ki, bu barədə Avrasiya İqtisadi Komissiyası məlumat yayıb.

Bu dəyişikliklərə Komissiyanın Daxili Bazarın Mühafizəsi Departamenti direktorunun 27 noyabr 2023-cü il tarixli əmrinə uyğun olaraq başlanmış təkrar antidempinq araşdırmasının nəticələri səbəb olub.

“Azərbaycandan alınan alüminium lentə təkrar yoxlama aparılıb. Lentin antidempinq rüsumlarının tətbiqi ilə bağlı qərarda göstərilməyən EAEU-nun TN kodlarına uyğun olaraq təsnifləşdirilməsinə və ya anti-dempinq rüsumunun tətbiq olunduğu mal növü kimi təsnifləşdirilməsinə imkan verən düzəlişlər edilib”, - deyə Komissiyanın açıqlamasında bildirilir.

Bununla əlaqədar olaraq, AEC Kollegiyası Azərbaycan mənşəli və modifikasiya edilmiş üsullarla tədarük edilən alüminium zolağına antidempinq rüsumunu uzadıb. Qərar rəsmi dərc edildiyi gündən 30 təqvim günü sonra qüvvəyə minir.

Natiq Orucov