Qazaxıstanda dəmir yolu xidmətlərinin qiyməti 8%, rezervasiya edilmiş oturacaqların qiyməti 8%, kupe biletinin qiyməti isə 7% artıb.

Newscenter.az "Sputnik Qazaxıstan"a istinadən bildirir ki, bu ilin yanvar-iyul aylarında sərnişin dəmir yolu nəqliyyatı sahəsində əsas kapitala investisiyalar 129,7 milyard tengeyə çatıb. Bir il əvvəl bu, 13,3 milyard tenge idi.

Digər tərəfdən, yük dəmir yolu seqmentinə investisiyalar 26,3%, yəni 122,9 milyard tengeyə qədər azalıb.

Xüsusilə Çimkənddə dəmir yolu xidmətlərinin dəyəri 19,1% artıb. Ən bahalı regionlar Qərbi Qazaxıstan, Şərqi Qazaxıstan, Atırau vilayətləri və Almatı şəhəridir.

Qeyd edək ki, Nəqliyyat Nazirliyi oktyabrın 1-dən dəmir yolu nəqliyyatı tarifini 20% artırmağı planlaşdırır. Nazirlikdən verilən məlumata görə, 140 marşrutdan 62-də biletlərin qiyməti artacaq.

Natiq Orucov